حالك يا زمالك
قالوا هى بقى كارثه مصيبه ضاع من الزمالك الهيبة
لاعيبه بتفكر فى المال وكــــــل يـــــوم فيه خيبه
والجمهور يحزن ويقول بالله عليكم ماهى عيبه ؟
كـل مـطـشـيـن بهزيـمـه وتقولى خير بقى و سليمه
المطش ده يدينا دفعه وعندنا اصرار وعزيمه
ولما يحضر الجمهور تبجى الخساره مره أليمه
بصراحه وبدون تجريح الـــــــبعد عنكم دا غنيمه
ـــــــــــــــــــــــــــــــــ
ومن خساره لخساره وفيه خناقه على الشارة
مفيش خوف ولا حتى نظام وجمهوره عايش في مرارة
لاعيبه تقبض بالملايين والناس بتشجع بحرارة
ولاعيبه تيجى وتتأمر وتفرض شروطها بشطارة
بقول كلمه لوجه الله لأستاذ ممدوح عـــــباس
لاعيبه الزمالك ما تساوى واحد من الجمهور محتاس
لاعيبه بتفكر في المال ومفيش ولاء ولافي احساس
خلو الزمالك فى العالم قدام جمهوره وكل الناس
لاعاد له هيبه ولا كرامه لاعيبه تأشر قلقاس
اصل الدلع هو شعارنا والفاس اهى وقعت فى الراس
،ــــــــــــــــــــــــــــــــــــــــــــــــ،
ادارة عاجزة وضــــعيفة والـــــــــكل عايز يتلمع
مع بدله شيك حلوه ظريفه وتصريحات بقى ويسمع
الزمالك بقى قـــــــــــادم والجمهور يبكى يدمـــــــع
قضوا الزمالك من بدري لكنه عمره ما يتشــــمع
ــــــــــــــــــــــــــــــــــــــــــــــــــ ـ
شويه اشباح في الملعب وشوف معاهم كام مليون
ومهما تلف و مهما تدور ولو دفعت كنوز الكون
ما تلاقى احسن من الجمهور دا هو مــــــد ايد العون
ناس بتترك مصالحها ومشغلين التلفزيون
وناس بتدفع من مالها وبتعشق النادى بجنون
علشان تملى بقى الاستاد والجمهور يرجع محزون
الرئيسية 
أحدث الصور 
التسجيل 
دخول 
موضوع: حالك يا زمالك 
الأحد ديسمبر 27, 2009 9:04 am
